Zainab Bint Khuzayma
So Zainab (Radiallaho ‘Anha) na aya miyakontodog a mapangaroma o Nabi (Sallallaho ‘Alaihi Wasallam). Mbram-barang a tothol ko miyanga-ona karoma niyan. So isa a kiyapanothola-on na aya minimbanaya iyan na so Abdullah-bin-Jahsh (r.a.). Sii peman ko ika dowa a tothol na aya minimbanaya iyan na so Tufail-bin-Al-Harith na kagiya talaken niyan na miyapangaroma pharoman o pagari niyan a Ubaidah-bin-Al-Harith a miyatay sa ‘Badr’. Nabi (Sallallaho ‘Alaihi Wasallam) na piyangaroma niyan sekaniyan ko bolana Ramadhan, ko ika telo ragon ko oriyan o Hijrah. Miyaka-walo olan a kapakathatapi iran, ka miyawapat sekaniyan ko Rabi-ul-Akhir ko ika pat ragon ko Hijrah. So Zainab (r.a.) ago so Khadijah (r.a.) na aya bo manga karoma o Nabi (Sallallaho ‘Alaihi Wasallam) a miyangawawapat ko kabibiyag iyan pen. So manga ped a karoma niyan na miyakapaginentao siran ko oriyan niyan na miya-ori manga wawapat. So Zainab (r.a.) na mala mambo-I kapamemegay ko manga Miskin go aya ini-ilano iran non na ‘Ummul-Masakin’ (Ina o manga Miskin) ko dapen so Islam.
Oriyan o kiyawapat iyan na piyangaroma o Nabi (Sallallaho ‘Alaihi Wasallam) so Umme Salamah.
No comments:
Post a Comment