Kabnar o karoma a Mama ago karoma a Ba-i

"Kabnar o karoma a MAMA"

1. So mga mama na pakathantandinganen (protector or maintainer) ko mga babai:

"So manga mama i pakathatandingann ko manga babay, sabap ko kiyapakalbiya o Allah ko sabaad kiran ko sabaad, go sabap ko kiyanggastowa iran ko manga tamok iran." (4:34)

2. “Igira a inimbitar o mama so karoma niyan sii ko igaan iyan, na daon song sekaniyan, nago tiyorog (angkoto a mama) a pekararangitan iyan sekaniyan, na ipephamaninta sekaniyan (a babay) o mga malaikat taman sa kapita iyan.” (Bukhari ago Muslim)

3. “Gophoon sambayangi o babay so lima wakto niyan, go phowasaan iyan so ulanolan iyan (Ramadhan), go pindiyaraan iyan a ginawa niyan, go onotan iyan si karoma niyan, na makasold sekaniyan sii ko apiya andaonon a khabayaan iyan sii ko manga pintuan o Sorga.” (Ibnu Hibban)

4. Patot ko karoma a mama i a maparatiyaya suka nya o karoma nya ko mga tomoon o di na di niyan kabaya (ibarat na o kabaya o mama a di kapakay a mamasa so karoma nyan sa datar aya na patot na paratiyayaan o bai)

5. Kanggalbeka o babay ko galbek sa walay, sa di niyan pakipesimalaw ko mama a kapakakowa niyan sa mid (maid) sa walay a khasabapan sa kakharegeni ki karoma niyan.

6. “Aya manga bilangatao a manga bai naso pephangongonotan a sisiyapen iran sa masolen so piyakisiyap o Allah.” (4: 34)

7. Aya mitotoro anan na giya kipapaliyogat a kaphagonoti o babay ki karoma niyan, sii ko kabaya iyan a di makasosopak ko Agama Islam, lagid o kapesakodowi niyanon, na goso kipendawagen iyanon sa sanang a maliwanag sa ginawa niyan agoso salakaw san, sa lagid den anan a kinindaonon o manga sabdan o Rasulullah (Sallallahu Alaihi Wasallam).

Biyaloy anan o manga ulama a dalil sa kipapaliyogat o kapesakodowi o babay ki karoma niyan. Giyanan kon i pembethowan sa (kabilangatao [Ma’rouf]) sii ko mga Arab a tiyoronan sii ko Qur’an.

8. Giya peman angkoto a gii kanggayagomaya o babay sa aya babaloyin iyan a peshakodo ron nasi karoma niyan a mama, taman ko kapephayopasi ko igaan iyan agoso sold a walay niyan, na goso katayong sa pangnengken, goso ipephaigo iyan, goso kapamipi sa nditaren, na giyanan na ped sa marata a olawla (isasapar [Monkar]), ka aya katharo o Allah:

“Aden a bagian iran a kabenar a lagid o kabenar kiran (o mga mama) sii ko adat a mapiya.” (Surah # 2: 228)

9. Na amayka so bai na di niyan pangongonotanan si karoma niyan, ka so mama i mabaloi a mangongonotan sa taat i karoma niyan a babay, na miyakelid ka aya miyabaloy a thatandingan (phamando) sii ko mama naso babay.

10. Na ayaman a kinipaliyogaten o Allah sii ko mama sa dii niyan kanggastowi ko babay, nago giya dii niyanon kapakanditara, go giya kapesenggayin iyanon sa torogan na kagiya giyoto i sambi (tapal) angkoto a kipembegan iyanon ko kapipiya ginawa niyan, agoso kasasakodowi niyanon sii ko kalalayaman a adat sii ko kakhakaroma-i. Sa aya kalalayaman a adat naso babay i pesakodo ko mama sii ko manga galbek sa sold a walay, sa daden a basaya mbidaan o babay a bara bangsaan agoso babay a mababa i bangsa, goso bai a kawasa agoso bai a pobri. Aya karinaon naso kababantogan a bai a so Fatimah a wata o Rasulullah (Sallallahu Alaihi Wasallam) na peshakodowan (pephangongonotanan) iyan si karoma niyan.

11. Paliyogat ko mama a madisiplina nyan so ba-i

WALLAHU 'ALAM

"Kabunar o karoma a BA-I"

1. So kapagadati o dato ko tiwalaya iyan, sa ongowanian, tangkudunian so kabunar-ian a bai ko kama-manosia iron a sodun so Allah i mimbitakon.

2. So kanggastowiron a go so mga moriyatao nian

3. So kaalimai ko pukhasokatiyan sa bagianian so langon a mapu-phamantiari nian a bai.

4. Itoman o karoma a dato so mga pangni o bai a dimakalio ko tamana o Islam.

5. Pud sa kabunar o bai so kaphiapiyai ron o darodopa iyan sa giinian kapangosiatan sa mapuka inunka iyan ko mga karibatan.

6. So kapia o giiron kapaki kondalia, sa mabaloi so dato a titho so gii niyanon kapaki songuda. Iputhomani-anon so kabunar o kanggaring.

7. Masanuk na marinao so giiron kapaki sambiay sa tig sa raks so giiron kapanaliya


WALLAHU 'ALAM