Ummeh Habibah Ramla Bint Abi Sufyan
Wata sekaniyan a babay o Abu Sufyan na aya minimbanaya iyan na so Ubaidullah Bin Jahsh sa Makkah. Giyangkoto a kharoma-I na somiyoled siran ko Islam, na oriyan niyan na tomiyogalin siran sa Habasha sabap ko rasta o manga Quraish. Miyaka-isa gagawi-I na pithataginep iyan so karoma niyan a tanto a marata ago piyakasisingay a miyambontal iyan. Kagiya mapita na kiyatokawan niyan a so karoma niyan na mimbaloy a Christian. Sekaniyan na da awa ko Islam na giyoto-I sabap a miyakambelag siran. Gii sekaniyan thibayo ko salakao a inged. So Allah na da mathay na biyalasan Niyan ko kiyada-I ron sa karoma. Piyakisampay ron o Nabi (Sallallaho ‘Alaihi Wasallam) sa pangakap iyan mokit ko Dato a Najashi, a piyakisampay niyan non mingolalan sa sakatao a ba-I a aya ngaran niyan na so Abrahah. Tanto sekaniyan a miyababaya sangkoto a tothol sa inibegay niyan non so rinti ago manga ped a imbolawan niyan a sosoloten niyan.
So Dato a Najashi na siyaliyantiyan niyan so Nabi (Sallallaho ‘Alaihi Wasallam) sangkoto a kiyakhawing na bigan niyan sa pat gatos a dinar a bagi-an niyan ago manga ped pen a nganin a betang. Mikhandori sekaniyan ago miyamegay sa pirak a dinar ko langon a makadadarepa sangkoto a kiyakhawing. Oriyan noto na piyakidolog sekaniyan o Dato a Najashi sa Madinah a mithatalon niyan so betang rekaniyan ago manga ped pen. Giyangkaya kiyakharoma-I na miyanggola-ola ko ika pito ragon ko Hijrah (a so ama iyan na dapen soled ko Islam). Mararani a aya kiyawapat iyan si ko ika pat polo ago pat ko Hijrah)
No comments:
Post a Comment