Khadijah Bint Khuwaylid
So khadijah (Radiallahu ‘Anha) na aya kiran paganay. Si-I ko masa a kiyakawing iyan, na pat-polo ragon a omor iyan na so Nabi (Sallallahu ‘Alaihi Wasallam) na baden dowa-polo ago lima. Inimbawata o Khadijah so langon a manga wata iyan a pat a babai, siran oto si Zainab, Ruqayyah, Umm Kulthum, Fatimah, ago so dowa a mama, siran oto si Qasim ago ‘Abdullah. Si Qasim na aya miyaona a wata a mama na miyawafat sii ko idad a dowa na si ‘Abdullah na miyawafat a maito pen.
Paganay na phangaroma-an sekaniyan o Waraqah-bin-Naufal, ogaid na da mitaros. Aya minimbanaya iyan na so Atiq-bin-Aaiz. Aden a wata iran a babay, a aya ngaran niyan na so Hind. Miyakala so Hind na somiyoled ko Islam, na mimbabawata sekaniyan sa madakel. Sii ko kiyapatay o atiq, na so Khadijah na miyapangaroma peman o Abu Halah na mimbawata siran sa dowa katao, so Hind ago so Halah. So Hind na riya-ot iyan so kiyakhalifah o Ali (Radiallaho ‘Anho). Sii ko kiyapatay o Abu Halah, na so Nabi (Sallallahu ‘Alaihi Wasallam) na piyangaroma niyan sekaniyan a miyabaloy a minimbanaya iyan. Miyawapat sekaniyan ko bolan a Ramadan ko ika sapolo ragon ko kiyasogo-aon ko omor a nem-polo ago lima. Tanto niyan a pekhababaya-an sekaniyan go daden pangaroma sa ika dowa ko kaoya-goyag iyan. Aya lomalangkap a ilano iyan na so ‘Tahirah’ (Soti ago Linang) apiya ko dapen so Islam.
Giyoto-i sabap a so manga wata iyan ko ped a manga karoma niyan na aya katawi kiran na so ‘Banu Tahirah’. So kalbihan niyan ago daradat iyan na mala-a kiya-aloy niyan sa Hadith. Soden so Nabi (Sallallahu ‘Alaihi Wasallam) na ayaon lomiyokan ko kobor iyan. Sangkoto a masa na da pen mipaliyogat so Sambayang ko miyatay.
No comments:
Post a Comment