Maimunah Bint Al-Harith

Maimunah Bint Al-Harith

Wata sekaniyan a babay o Harith Bin Hazan. Aya pakaasal a ngaran niyan na so Barrah, ogaid na siyalinan sekaniyan sa ngaran o Nabi (Sallallaho ‘Alaihi Wasallam) sa Maimunah. Aya minimbanaya iyan na so Aburehm Bin Abdul’izza. Sii ko sabaad a kiyapanothola-on na miyakathepas sekaniyan na go mbaloy a Ummul Mo’minin. Da mathay a kiyabalo niyan na miyapangaroma sekaniyan o Nabi (Sallallaho ‘Alaihi Wasallam) sa inged a Sarif, a darepa a matatago ko iphagokit iyan sa Makkah kagiya pag-Umrah ko bolan a Dhul Qaadah ko ika pito ragon ko Hijrah. Aya mapipikir iyan na makipezolda-on sa Makkah ko oriyan o kapasad o Umrah ogaid na sabap sa so manga Quraish na da iran pangonoten o ba sekaniyan makasoled sa Makkah, na piyakisongowan niyan sekaniyan baden sangkoto a tataregan niyan ko kambaling iyan. Sii ko oriyan o pira ragon na miyawapat sekaniyan na sii bo minikobor sangkoto a darepa ko ika lima polo ago isa ragon ko Hijrah (ko aya omor iyan na walo polo ago isa). Piyakamemesa a miyanggola-ola a so darepa a ron miyapangaroma ko kaphelalakao niyan na ron bo miyawapat ko kaphelalakao niyan go ron inikobor.

So Aishah (r.a.) na pitharo iyan:

“So langowan o karoma o Nabi (Sallallaho ‘Alaihi Wasallam) na so Maimunah na aya pithamanan a pati-is ago mitataralo a kasisiyapa niyan ko manga lolot iyan.”

So Yazid Bin Asam na pitharo iyan:

“O di sekaniyan matatago ko Sambayang na zisii sekaniyan ko manga galebek iyan sa walay igira da sekaniyan sangkanan sa dowa na matataman sekaniyan memiswak.”