So Kiyawafat o Nabi (s.a.w.)

SO KIYAWAFAT O NABI MUHAMMAD (Sallallahu ‘Alaihi Wasallam)

Sii ko soled a dowa olan a kiyapaka-oma o Nabi (Sallallahu ‘Alaihi Wasallam) sa Madinah pho-on sa Ka’bah sa Makkah, sekaniyan na miyasakit. Apiya miysakit na iptharos iyan den so kabgay sa da’wah, kazambayang sa Masjid, so kapamangethoma-I ko manga sahabah. Oman gawi-I na pkhalbatan sa bagr. Si Abu Bakr (r.a.) na malo niyan pkhagdam a datar o ba magaan den a kakhawafat so Nabi (Sallallahu ‘Alaihi Wasallam) sii ko kiyapasad iyan (s.a.w.) khutba sa Hajj (moripori a Hajj ago Khutba o Nabi) sa Makkah. Sii ko gawi-I a isnin a ika-sapolo ago dowa o bolan a Rabi’ Al-Awwal, ragon a sapolo ago isa a kiyalpas o Hijrah na miyawafat so Nabi (Sallallahu ‘Alaihi Wasallam) sa idad a nm-polo ago tlo.

Madakel a tao a di makaphangembnar ko kiyawafat o Nabi (Sallallahu ‘Alaihi Wasallam). Tig-iran o ba so Nabi (Sallallahu ‘Alaihi Wasallam) na ma-oyag sa taman sa taman. Si Abu Bakr (r.a.) na sekaniyan I lomiyangkap a so Nabi (Sallallahu ‘Alaihi Wasallam) na benar a miyawafat. Pitharoo iyan a o aden a pzimb ko Muhammad na so Muhammad na miyawafat, na pzimbaan niran so Allah, na so Allah na Oyagoyag sa Dayon sa Dayon. Na biyatiya iyan so Ayah sa Quran:

“Inibarayat ko manga manosiya so kabaya ko pkhakababayaan a manga babay go manga wata; go manga kakawasaan a piyanimo a bolawan ago pirak; go manga koda a khitatandaan; go manga pangangayamn go manga babasoka. Giyoto man na matag sagad a kapipiya ginawa ko kawyagoyag sa doniya; na so Allah na Ron so mapiya a khandodan.” (3:14)