Sawda’ Bint Zam'a

Sawda’ Bint Zam'a

So Sawda ‘bint Zam’ah bint Qaisnaaya (Radiallaho ‘Anha) minimbanaya iyan na so thenged iyan a Sukran bin Amar. Giyangkoto a ndarodopa na somiyoled siran ko Islam na tomiyogalin siran sa Habasha. So sukran na miyatay sa Habasha. So Sawda, a sangkoto a masa na balo, na komiyasoy sa Makkah. So Nabi (Sallallahu ‘Alaihi Wasallam)ko kiyawapat o Khadijah (r.a.) (sii ko miyakatondogon a Shawwal sangkoto den a ragon), na piyangaroma niyan so Sawda (r.a.). Katawan tano so kathotomangkedi o Nabi (Sallallahu ‘Alaihi Wasallam) ko Sambayang iyan. Miyaka-isa na miyonoton so Sawda (r.a.) sa Tahajjud. Kagiya mapita na miyatharo iyan non:

“Hay Nabi o Allah! Kagiya ko gagawi-I na tanto ngka a piyakalendo so Ruku sa maito bon a limamadan a ngirong aken.”

(Sabap ko kaolit sekaniyan na tanto ron  a maregen angkoto a kiyabinteng)

Miya-aloy a so Nabi (Sallallahu ‘Alaihi Wasallam) na miyapikir iyan a pagenda-an niyan sekaniyan (sabap sa kiyapangaroma-a niyan ko ‘Aishah (r.a.)). Miyaaloy niyan:

“Hay Nabi o Allah! Ini-iyog aken den so alongan ka raken na makakowa o ‘Aishah, ogaid na di aken kabaya o ba ko ngka nda-i. Kabaya aken a matago ako ko Sorga a isa ko manga karoma ngka.”

So Nabi (Sallallahu ‘Alaihi Wasallam) na miyaka-ayon sangkoto a mosawwir. Miyawapat sekaniyan ko manga lima-polo ago lima ko oriyan o Hijrah sii ko kakhapos o kababaloy o ‘Umar (r.a.) a Khalifah.

Aden a ba-I ko manga Quraish a sangay niyan. Balo sekaniyan mambo go aden a nem katao a wata iyan. So Nabi (Sallallahu ‘Alaihi Wasallam) na inipangorao niyan a kaphangaroma-a niyan non, ogaid na miyatharo iyan:

“Hay Nabi o Allah! Mala ka raken-I arga a di so apiya antawa-a sangkaya donya. Di aken kabaya o ba reka makarimoreng so manga wata aken.”

Tanto niyan-ai a inikaso-at sad a niyan tarosen so pamikiran niyan.