40 Hadith - (11-20)

40 Hadith

Inisorat i: Imam An-Nawawi

Initogalin sa mranao i: Monib Saranggani

Hadith 11

Miyakapo-on ki Abo Muhammad (saws) a si Hasan Ibn Ali Ibn Abi Talib a apo o Rasulullah (saws) ago bolawan sadar iyan (miyaso-aton kiran a dowa so Allah) a pittaro iyan a: Minilangag akun ppo-on ko Rasulullah (saws) (so kattaro) a:

"Awa-ingka so sasangka-on a pamikiranka na songka ko da a sangka-anon a pamikiranka."

Piyanottol i at-Tirmidhi ago si an-Nasa-i, go pittaro i at-Tirmidhi a HADITH a mapiya a Sahih.

عن أبي محمد الحسن بن على بن ابي طالب سبط رسول الله صلى الله عليه وسلم وريحانته رضي الله عـنهـما ، قـال : حـفـظـت مـن رســول الله صلى الله عـليـه وسلم : ( دع ما يـريـبـك إلى ما لا يـريـبـك ). رواه الترمذي ، والنسائي  ، وقال الترمذي : حديث حسن صحيح.

Hadith 12

Miyakapo-on ki Abo Horaira (miyaso-aton so Allah) a pittaro iyan a: Pittaro o Rasulullah (saws) a:

"Pud sa kapiya o kapagi-islam o taw so kibbagakun iyan ko da a ki-isop iyanon."

HADITH a mapiya a piyanottol i at-Tirmidhi agoso salakaw ron sa dataraya.

عن أبي هريرة رضي الله عنه ، قال : قال رسول الله صلى الله عليه وسلم : ( من حسن إسلام المرء تركه ما لا يعـنيه 

حديث حسن ، رواه الترمذي  ابن ماجه

Hadith 13

Miyakapo-on ki Abo Hamza a si Anas Ibn Malik (miyaso-aton so Allah) a talasogo-ay o Rasulullah (saws) a miyakapo-on ko Nabi (saws) a pittaro iyan a:

"Di kkatarotop so paratiyaya o isa rukano sa taman sa di niyan ikababaya ko pagari niyan a muslim so datar o ipukababaya iyan sa ginawa niyan." [Piyanottol i Bukhari ago si Muslim]

عـن أبي حـمـزة أنـس بـن مـالـك رضي الله عـنـه ، خــادم رسـول الله صلى الله عـلـيـه وسـلم،عن النبي صلي الله عـلـيـه وسـلـم قــال : ( لا يـؤمـن احـدكـم حـتي يـحـب لأخـيـه مــا يـحـبـه لـنـفـسـه ) .

رواه البخاري  ، ومسلم

Hadith 14

Miyakapo-on ki Ibn Mas'owd (miyaso-aton so Allah) a pittaro iyan a pittaro o Rasulullah (saws) a:

"Di kkapakay so katudaka ko rogo o taw a Muslim inontabo o misabap ko isa sangka-i a tulo: So miyakapangaroma a mizina, goso ginawa a miyakapatay sa ginawa, goso miyawa ko Agama niyan a mimbulag ko manga Muslim." [Piyanottol i Bukhari ago si Muslim]

عن ابن مسعود رضي الله عنه ، قال : قال رسول الله صلى الله عليه وسلم : ( لا يحل دم امرىء مسلم [ يشهد أن لا إله إلا الله ، وأني رسول الله ] إلا بـإحـدي ثـلاث : الـثـيـب الــزاني ، والـنـفـس بـالنفس ، والـتـارك لـد يـنـه الـمـفـارق للـجـمـاعـة ).

رواه البخاري ، ومسلم

Hadith 15

Miyakapo-on ki Abo Horaira (miyaso-aton so Allah) a mata-an a so Rasulullah (saws) na pittaro iyan a:

"Sataw a paparatiyaya-an iyan so Allah agoso Alongan a mawri na ttaro sa mapiya odina gugunuk, go sataw a paparatiyaya-an iyan so Allah agoso Alongan a mawri na ppiyapiya-i niyan so siringan iyan, go sataw a paparatiyaya-an iyan so Allah agoso Alongan a mawri na ppiyapiya-i niyan so maboboloson." [Piyanottol i Bukhari ago si Muslim]

عن أبي هـريـرة رضي الله عـنه ، ان رســول الله صلي الله عـليه وسـلـم قــال : ( مـن كـان يـؤمن بالله والـيـوم الأخـر فـلـيـقـل خـيـرًا أو لـيـصـمـت ، ومـن كــان يـؤمن بالله واليـوم الأخر فـليكرم جاره ، ومن كان يؤمن بالله واليوم الأخر فليكرم ضيفه ).

رواه البخاري ، ومسلم

Hadith 16

Miyakapo-on ki Abo Horaira (miyaso-aton so Allah) a mata-an a adun a mama a pittaro iyan ko Nabi (saws) a: Wasiyati-akongka, na pittaro iyanon a:

“Dika di-i purangit. Na pikkasokasoy niyanon sa miyakapira (na aya dun a ipusumbagon o Nabi (saws)) na: Dika di-i purangit." [Piyanottol i Bukhari]

عــن أبـي هـريـرة رضي الله عــنـه ، ان رجــلا قـــال للـنـبي صلي الله عـلـيـه وسـلـم : أوصــني . قال :( لا تغضب ) فردد مرارًا ، قال : ( لا تغضب ).

رواه البخاري

HADITH 17

Miyakapo-on ki Abo Ya'la a si Shaddad Ibn Aows (miyaso-aton so Allah) a miyakapo-on ko Rasulullah (saws) a pittaro iyan a:

"Mata-an a so Allah na inipaliyogat Iyan so kappiyapiya ko langowan taman, sa igira a ana mbono-on iyo (ikitas iyo) na ppiyapiya-i niyo so kabono, na igira a ana sombali-in niyo na ppiyapiya-i niyo so kasombali, nago pakagaranga o isa rukano so gulat iyan nago pakaduka-a niyan so sombali-in iyan." [Piyanottol i Muslim]

عـن أبي يعـلى شـداد بـن اوس رضي الله عـنه ، عـن الـرسـول صلى الله عـليه وسلم قـال : ( إن الله كتب الإحـسـان عـلى كــل شيء ، فـإذا قـتـلـتم فـأحسـنوا القـتـلة ، وإذا ذبـحـتم فـأحسنوا الذبحة ، وليحد أحـدكم شـفـرتـه ، ولـيـرح ذبـيـحـته ).

رواه مسلم

Hadith 18

Miyakapo-on ki Abo Dhar a si Jondob Ibn Jonada ago si Abo Abd Al-Rahman Mo'adh Ibn Jabal (miyaso-at kiran a dowa so Allah) a pho-on ko Rasulullah (Sallallahu Alaihi Wasallam) a pitharo iyan a:

"Kalekenka so Allah sa apiya andaka matatago, go tondogenka ko marata so mapiya ka khaponas iyan so marata, go pharangayingka so manga manosiya sa parangay a mapiya."
Piyanothol i Tirmidhi, go pitharo iyan a HADITH HASAN (mapiya), go si-i ko saba-ad a inisorat iyan na aya kiya-aloya niyanon na HADITH HASAN a Sahih.

عـن أبي ذر جـنـدب بـن جـنـادة ، وأبي عـبد الـرحـمـن معـاذ بـن جـبـل رضي الله عـنهما ، عـن الرسول صلي الله عـليه وسلم ، قـال : ( اتـق الله حيثما كنت ، وأتبع السيئة الحسنة تمحها ، وخالق الناس بخـلـق حـسـن ).

رواه الترمذي وقال : حديث حسن ، وفي بعض النسخ : حسن صحيح

Hadith 19

Miyakapoon ki Abo Abbas a si Abdullah Ibn Abbas (Miyasoat kiran a dowa so Allah) a pitharo iyan a: Miyakaisa alongan na sisii ako ko talikodan o Nabi (Sallallahu Alaihi Wasallam) na pitharo iyan a:

"Hay bagowamama, na mataan a ipagenda-o aken reka so manga katharo: Siyapangka so (manga pando-an o) Allah ka siyapengka Niyan, siyapangka so (manga pando-an o) Allah ka khatoonka Sekaniyan ko khasangoranka, igira a phangnika na pangnika ko Allah, na igira a phangnika sa tabang na pangnika sa tabang ko Allah, go tangkedangka a mataan a so pagtao na apiyapen thimotimo siran sa kiyompiyaan iran reka ko shai, na daden a khiyompiya iran rekaon arowar ko shai a inisorat o Allah a bagianka, nago apiyapen thimotimo siran sa kibinasaan iran reka ko shai, na daden a khimorala iran rekaon arowar ko shai a inisorat o Allah a khisogat reka, minibayaw so manga pansom nago miyamara so manga daptar ." [Piyanothol i Tirmidhi, go pitharo iyan a Hadis a mapiya a Sahih]

Go sii ko kiyapanotholaon o salakaw ki Tirmidhi na (aya kiyapakaokit iyan na):

"Siyapangka so (manga pando-an o) Allah ka khatoonka Sekaniyan ko khasangoranka,shoa-sho-atangka so Allah ko masa a kapakadadayaaka, ka pakalo-agangka Niyan ko masa a kapakandadamarka, go tangkedangka a mataan a so dingka bagi-an na dingkaden khaparoli, nago mataan a so bagi-anka na diden pekhisar na khaparolingka, go tangkedangka a mataan a so kapakadaag na sarta o kapakatiger, nago mataan a so kapakadaya na sarta o kapakandarasag, nago mataan a so maregen na sarta iyan so malbod."

عـن أبي العـباس عـبد الله بن عـباس رضي الله عـنهما ، قــال : كـنت خـلـف النبي صلي الله عـليه وسلم يـوما ، فـقـال : ( يـا غـلام ! إني اعـلمك كــلمات : احـفـظ الله يـحـفـظـك ، احـفـظ الله تجده تجاهـك ، إذا سـألت فـاسأل الله ، وإذا اسـتعـنت فـاسـتـعـن بالله ، واعـلم أن الأمـة لـو اجـتمـعـت عـلى أن يـنـفـعـوك بشيء لم يـنـفـعـوك إلا بشيء قـد كـتـبـه الله لك ، وإن اجتمعـوا عـلى أن يـضـروك بشيء لـم يـضـروك إلا بشيء قـد كـتـبـه الله عـلـيـك ؛ رفـعـت الأقــلام ، وجـفـت الـصـحـف ).

رواه الترمذي وقال : حديث حسن صحيح .

وفي رواية غير الترمذي : ( احفظ الله تجده أمامك ، تعرف إلى الله في الرخاء يعرفك في الشدة ، واعلم أن ما أخطأك لم يكن ليصيبك ، وما أصابك لم يكن ليخطئك ، واعلم ان النصر مع الصبر ، وان الفرج مع الكرب ، وان مع العسر يسرا )

Hadith 20

Miyakapo-on ki Ibn Mas'owd a si Oqbah Ibn 'Amr al-Ansari al-Badri (Miyaso-aton so Allah) a pittaro iyan a pittaro o Rasulullah (saws) a:

"Mata-an a pud sa riya-ot o manga taw a kattaro o miyanga o-ona a paNabi (saws)Nabi (saws)an na (giyangka-i a kattaro a): Opama o dika kkaya na nggolawla-angka so kabaya-aka." [Piyanottol i Bukhari]

عن أبي مسعود عقبة بن عمرو الأنصاري البدري رضى الله عنه قال : قال رسول الله صلي الله علية وسلم : ( إن مما أدرك الناس من كلام النبوة الأولى : إذا لم تستح فاصنع ما شئت ).

رواه البخاري