So Manga Da'ef a Hadith Makapantag sa Surah Yaseen

So Surah Yaseen

Madakel a manga hadith a da'ef (kenaba mabager a hadith) a makapantag sa manga kalbihan o Surah Yaseen. Giyaya a manga kha-aloy si-i na manga da'ef na taralbi a katokawan a giyangka-i na manga da'ef. Kati-i siran:

1.Miyakathitayan ko Ata Ibn Abi Rabah (Radiallahu ‘Anho) a pitharo iyan “Minisampay raken a mata-an a so Rasulullah (Sallallaho ‘Alaihi Wasallam) na pitharo iyan ‘Sa tao a batiya-an niyan so Surah Yasin si-i ko pegangan o kadaondao na angkosan non so langon a singanin niyan ko mabaasa alongan.” [Darimi]

2. “Oman nganin a shaiy na aden a poso iyan, go aya poso o Qur’an na so Surah Yasin. Sa tao a batiya-an niyan so Surah Yasin, na pakisorat o Allah a bagi-an niyan a timbang o ba niyan miyaka-sapolo matamat so Qur’an” [Tirmidhi, Darimi, Maqal, Tirmidhi 2812/A & Dhahabi]

3. “So Allah na biyatiya Iyan so Surah Yasin ago so Surah Taha ko miyakasanggibo ragon ko da Niyan pen ka-adena ko langit ago so lopa, na so kiyanega on o manga Malaikat na pitharo iran “Miyagontong so manga poso a khadaleman non, maana phakalangagon ago miyagontong so dila a phakabatiya-on.””

4. “Sa tao a batiya-an niyan so Surah Yasin a so-a-so-at ko Allah, na so langon o miya-ona dosa niyan na perila-an.” [Qurtubi, Ibn Hibban, Darimi 3283/A, Abu Yala, Tabarani, Baihaqi & Ibn Mardawaih]

5. “So Surah Yasin na aya ngaran niyan ko Tawrat na Muimmah (pephamegay sa mapiya), sabap sa kadadaleman sa manga pipiya a bagi-an o pembatiya-on si-i sa donya taman sa Akhirat; go pephokasen niyan pen ko tao so manga book sangka-iya donya taman sa Akhirat, ago phokasen niyan non pen so kalek sangkoto a mori a Gawi-i.” [Tirmidhi, Hashiya of Tafsir Jalalalayn , pg 368]

6. Pitharo o Rasulullah (Sallallaho ‘Alaihi Wasallam) “Mazisinganin o poso aken a so Surah Yasin na madalem ko poso o pithanggisa-an ko manga Ummat aken.” Miyaaloy niyan pen “Opama ka so tao na batiya-an niyan so Surah Yasin oman gagawi-i na ron kapantagi a kapatay, na miyatay sekaniyan a Shahid.” [Al-Bazzar, S.Muhammad Ali Sabuni, Tafsir-al-SabuniVol.2]

7. “Sa tao a batiya-an niyan so Surah Yasin na perila-an, sa tao a batiya-an niyan ko kapheka-or iyan na khada so ka-or iyan, sa tao a batiya-an niyan ko kiyadadag iyan sa lalan na khato-on niyan so lalan, sa tao a batiya-an niyan ko kiyada-I ron sa ayam, na khato-on niyan so ayam. Go sa tao batiya-an niyan ko kapekhalek iyan sa ba di tho-on so pangenengken na mabaloy so pangenengken a maka-ampel. Go sa tap a batiya-an niyan ko obay o zasakaratal maot, na leboden rekaniyan so kasakit o kapatay, go sa tao a batiya-an niyan ko obay o ba-i a pekhaaritan na leboden non so kakharitan.”

8. “Opama ko batiya-an o tao a den a ipekhalek iyan a dato o din a rido-ai na pakada-an so kalek iyan.” [Maqri (Rahmatullahi ‘Alaihi)]

9. “Opama ka aden a matiya sa Surah Yasin ago Surah Was-Saaffat ko Alongan a Jumu’ah na oriyan niyan na mamangeni ko Allah, na so pangeni niyan na tarima-an [o Allah]. [Maqri (Rahmatullahi ‘Alaihi)] {Kadakelan sangkaya a manga Hadith  a miya-aloy niyan na inabat ko [kitab] a Mazahir-e-Haq, ogaid na so saba-ad ko manga Ulama na di iran sasarigan so saba-ad ko manga riwayat.}

Manga mbatiyaan makapantag sa pakaiza o manga kalbihan o Surah Yaseen: 
Virtues of Surah Yaseen
Da'ef hadith
Virtue of some Surah