SO MANGA SUNNAH O EID

SO MANGA SUNNAH O EID

1.Punggolalanun so Ghusl bago so Sambayang.

Mustahabb so kaphaigo bago so Sambayang a Eid datar o ka mumustahabb iyan igira bago so Jumu’ah.

2. So kakan bago so Sambayang a Eid Al-Fitr ago so kakan igira miyapasad so Sambayang a Eid Al-Adha.

Miyatharo i ‘Anas Ibn Maalik a pitharo o Rasulullah (Sallallaho ‘Alayhi Wasallam) a didun sekaniyan pliyo ko kapipita o Eid Al-Fitr taman sa di sekaniyan makakan sa korma… a kenaba tarotop so bilang o pheken niyan (ibarat 1, 3, 5) [Bukhari 953]

Mustahabb so kakan bago so kaliyo sa walay an-matangked a miyapasad so powasa sa gawi-i oto. O da peman a korma na khapakay a koman sa apiya antona-a khapakay a ken.

Igira peman a Eid Al-Adha na mustahabb so di khan taman sa di mapasad so Sambayang, na khan sekaniyan pho-on ko Udhiyah na da peman a da marata o makakan bago so Sambayang. 

3. So Takbeer ko gawi-i a Eid

Giyaya so miyakalala a Sunnah o Eid a miyatharo o Allah (Subhanahu Wa Ta’ala):

“Na (go makaboka na bayadi niyan) so kadakl o (kiyabokaan iyan sii ko) manga alongan a salakaw. Kabaya rkano o Allah so malbod; na di Niyan rkano kabaya so margn. Go an iyo matarotop so bilangan, go an iyo mazlasla so Allah sa kiyatoroa Niyan rkano; go ang kano makapanalamat.” 

[Al-Baqarah:185]

Miya-aloy sa Al-Daaraqutni a igira kapipita a Eid Al-Alfir ago Eid Al-Adha na so Ibn ‘Umar na pakatatanogen niyan so Takbeer  iyan pho-on sa walay taman sa makawma ko pzambayangan na apiya pen miyakawma na di-i sekaniyan thareg taman sa di makaliyo so Imam.

Ibn Abi Shaybah na miya-aloy niyan a miyatharo o Al-Zuhri: So manga tao na gi-i siran di takbeer sii ko gawi-i a Eid na domagedeb den so inged iran ko Takbeer pho-on sa walay taman sa di siran makawma sa pzambayangan iran ago taman sa di makaliyo so Imam. Igira miyaliyo peman so Imam na genekan niran so Takbeer na o-petakbeer so Imam na petakbeer siran den mambo [Irwa’ Al-Ghaleel 1/121]

So oras o Takbeer ko Eid Al-Fitr na phagpo-on ko kagagawi-i bago so Sambayang a Eid tamam sa kapakawma o Imam si-i ko psambayangan. Si-i ko Eid Al-Adha, so Takbeer na phagpho-on ko paganay a gawi-i o Dhul Hijjah taman sa makasedep so alongan ko gawi-i a tashreeq.

So takbeer:

Allaahu Akbar, Allaahu Akbar, Allaahu Akbar, Laa ilaaha ill-Allaahu, Allaahu Akbar, Allaahu Akbar, wa Lillaah il-hamd

(So Allah na Mala, So Allah na Mala, Da-a Tohan inonta bo so Allah, So Allah na Mala, So Allah na Mala, ago rek Iyan so podi)

4. So kabegay sa mapiya zinganin

Ped ko mapiya zinganin na so katharo ko Taqabbala Allaah minna wa minkum  (Tarimaan o Allah so mapiya Amal a phoon rekitano ago phoon reka) odi na so “Eid Mubarak” ago so manga datar iyan a manga pipiya zinganin.

5. So mapiya nditaren o sakataw sii ko gawi-i a Eid

 So Ibn ‘Umar na gi-i niyan gi nditaren a miyakapiya piya ko manga nditaren niyan igira gawi-i o Eid. [Al-Bayhaqi]

Si-i ko manga ba-i na di peman phakapanobraan so kanditar igira gawi-i a Eid sabap sa dim aka aden sa fitnah ko di-i niyan Mahram a mama. Ago haraam so kaliyo a phapakamotan a khapakay a maka-aden sa fitnah ko manga mama a phakabaw ron.

6. So kazong sa Masjid am-bida bida so inokitan.

Miya-aloy I Jaabir Ibn ‘Abdullah (ra) a: “Sii ko gawi-i a Eid, so Rasulullah (Sallallahu ‘Alayhi Wasallam) na gi-i niyan pakambida-an so pagokitan niyan.” [Bukhari 986]. Giya-i so kazong sa Masjid a salakaw so inokitan na ago salakaw peman mambo so pagokitan iyan ko kambaling iyan.

So kapakambida ko phagokitan na pzaksi so lopa a inokitan o manosiya si-i ko gawi-i a Alongan a Mawri na ptharo-on niyan a mlagid a mapiya ago marata a miyazaksiyan niyan.

So Kawsar sa Pasbih (Masbahah) na Bida'ah

So Kawsar sa Pasbih (Masbahah) na Bida'ah

Aden ko a manga Ulama a piyakay iran so Masbahah ogaid na da lawan a mapiya so kaosara ko kemer. Aden peman a mitharo a bid’ah. 

Miya-aloy i Shaykh Ibn Taymiyyah: 

1.Aden ko manga manosiya a isasambir iyan so Masbahah ko lima niyan a toos a kapiki-ilay-ilayin na mamanti na malay taden tademan ko Allah. So Rasulullah (sallallahu ‘alayhi wasallam) ago so mga Sahabah na daden oba aden a miyosar sa Masbahah. Miyaaloy a aya phagosaren niran so manga kemer iran datar o miyaaloy sa hadith a “Pagitonga niyo so Tasbih ko kemer iyo ka sa Alongan a Maori na pesaksi siran ko Tasbih ka” 

2. Aden peman a mitharo a so kawsar sa Mashabah na Makrooh na aden peman a piyakay iran OGAID na da oba mitharo kiran a so Masbahah na mas mapiya adi so kagamit sa lima.
[Fataawah 21/187]

Miyaaloy peman i Shaykh Ibn Salih Al-‘Uthaymeen:

“Mas mapiya o di makagamit sa Masbaha ogaid na kenaba oto bid’ah ka aden ko manga Sahaba a miyosar sa manga ito a ator a piyandeket deket iran. OGAID na so Rasulullah (sallallahu ‘alayhi wasallam) na aya ininda-o niyan na pagosaren so lima ka pezaksian ka o limang ka sa Alongan a maori.”

Aden peman a manga manosiya a phagosar sa Masbahah:

1.Ko kapaki-ilay-ilayin datar o “Hay ilaya ko niyo ka aden a miyakatastas a pasbih akun”

2. Siran a phagosar sa pasbih na siran so di maka-iman. Pkha-ilaying ka siran a di manasbih ogaid na so mata iran na salakaw a ilayin niyan a tanda a di maka-iman. 

So kapanasbih a phagitongen ko lima na mas mapiya sa kawanan adi sa diwang ka so Rasulullah (sallallahu ‘alayhi wasallam) na aya penggamiten niyan na so kawanan. Daden a marata o phagitongen iran so tasbih iran sa dowam bala a lima ogaid na mas mapiya ko kawanan bo. 
[Al-Liqa’ al-Maftooh, 3/30]

O pembantayan tano a giyangkanan a video i Shaykh Yusuf Estes na marayag a BIDA’AH so Masbahah! So sunnah o Rasullullah (s.a.w.) na pagosaren so lima, kenaba Masbahah!

By Sheikh Yusuf Estes 

By Sheikh Abu Khadeejah As-Salafi